D’ Liesel ufem Westend-Kriegspfad

D’ Liesel ufem Westend-Kriegspfad
oder: Die zweckentfremdete Milchkuh
Bernd Hagenunger (aus seinem Buch „Rund um den Eichbergturm“)

Fasent 1953: Wie alli Buebe hab halt au ich mit mine acht Johr Bosse im Kopf gha.
Mir Burscht sin nach altem Brüch am Fasentmändig durch d Schtroße grännt un hän an alle Kaufläde gizg, gizig … gruefe. Ä bsunders Opfer isch immer Millerbeck gsi, der hän mr nie üsglo. Do isch immer ebis fir uns Burscht rüs gä wore. Sini Brätschle sin mr au hit noch die liäbschte.
Un vun däm schene Schpiel eweg hab ich zum z Mittagässe go miäße. Des het mr zwar arg pfupferet. Aber ä rächts Fasents-Ässe hets gä, Herdepfelsuppe un üszogini Häfekiächli, wo mr im Fett bache het. Die sin denno noch mit Zimet un Zucker ipuderet wore. Des Ässe het mi schu ä weng besser gschtimmt…